На прэм’еры анімацыйнага мультфільма Хаяо Міядзакі «Рыбка Поньё» у агучцы праекта «Беларускія ўікэнды» быў пастаўлены рэкорд. 21 чэрвеня ў кінатэатры «Масква» агульнымі намаганнямі ўсіх прысутных было сабрана 560 рыбак-арыгамі.Ініцыятыва незвычайнага рэкорду сыходзіла ад нязменнага партнера праекта «Беларускія ўікэнды» – кампаніі velcom. За вельмі абмежаваны час – тры хвіліны – усім, хто прысутнічаў на прэм’еры, належала скласці як мага больш папяровых рыбак. У выніку 506 чалавек сабралі 560 фігурак і ўпісалі новую старонку у Кнігу рэкордаў краін Балтыі і СНД «Дзіва», дзе гэта дасягненне было зафіксавана афіцыйна.
Музыка
Фильмы
ТВ Шоу
Категории видео
