#xs_uz #narodnoeslovo12 декабр Низомий номидаги Тошкент давлат педагогика университетида шахмат бўйича Олимпиада чемпиони, энг ёш гроссмейстер, Ҳиндистоннинг Ченнай шаҳрида ўтказилган 44-шахмат Олимпиадаси ғолиби, Ўзбекистон ифтихори медали соҳиби Жавоҳир Синдаров томонидан шахматга қизиқувчи талабалар учун мастер класс ўтказилди.
Мастер классдан сўнг Жавоҳир Синдаров талабалар билан мулоқот давомида “Мен тўрт ярим ёшимдан шахмат билан мунтазам шуғулланиб келганман, шу кунгача бир қанча ютуқларга эришдим. Айниқса Ўзбекистон Республикаси Президенти Шавкат Мирзиёев табрик йўллаб, энг сўнгги русумдаги замонавий ноутбук (МаcБоок) билан тақдирлагани, уч хонали хонадоннинг калити тантанали топширилгани мени янада юксак марралар сари руҳлантирган. Бундай қўллаб-қувватлашлашлар ва рағбатлар мени ва бизнинг жамоамиз олдида янги мақсад пайдо қилди, биз албатта шахмат бўйича жаҳон тожини Ўзбекистонга олиб келмоқчимиз ” деб таъкидлаб ўтди.
Мулоқотда университет биринчи проректори Феруза Мадрахимова ва академик Бакриддин Зарипов иштирок этдилар. Мулоқот давомида талабалар ўзлари қизиқтирган саволларга жавоб олдилар.
Музыка
Фильмы
ТВ Шоу
Категории видео
