Telekommunikatsiya tarmoqlarini modernizatsiya qilish bo'yicha “O‘zbektelekom” AK brifingi

Подробнее о видео

O‘zbekistonda telekommunikatsiya tarmoqlarini modernizatsiya qilish va rivojlantirish haqida “O‘zbektelekom” AK brifingi

Joriy yil 18 iyun kuni O‘zbekiston Respublikasi Prezidenti Administratsiyasi huzuridagi Axborot va ommaviy kommunikatsiyalar Agentligida “O‘zbektelekom” AK Bosh direktori o‘rinbosari Alisher Zufarov ishtirokida brifing bo‘lib o‘tdi. Brifing davomida OAV vakillariga “O‘zbektelekom” AK tomonidan yangi texnologiyalar asosida O‘zbekistonda telekommunikatsiya tarmoqlarini modernizatsiya qilish va rivojlantirish bo‘yicha amalga oshirilayotgan loyihalar haqida so‘zlab berildi.

Davlat boshqaruvi samaradorligini oshirish, innovatsion mahsulotlar ishlab chiqarish uchun zarur muhitni yaratish, aholi va tadbirkorlik subyektlarini tegishli davlat xizmatlari bilan taʼminlash orqali O‘zbekiston Respublikasining jadal suratlarda raqamlashtirilishi, raqamli iqtisodiyotni yana-da rivojlantirishni taʼminlash maqsadida, 2020 yil 5 oktyabrdagi O‘zbekiston Respublikasi Prezidentining PF-6079-son Farmoni bilan tasdiqlangan «Raqamli O‘zbekiston – 2030» strategiyasida belgilangan vazifalar ijrosini taʼminlash maqsadida amalga oshirilgan ishlar, xususan Kompaniyaning telekommunikatsiya va axborot texnologiyalari sohasida dunyoning yetakchi xorijiy ishlab chiqaruvchilaridan zamonaviy telekommunikatsiya uskunalarini joriy etish bo‘yicha loyihalar namoyish etildi.