Үкімет өнеркәсіп қауіпсіздігін қамтамасыз ету бойынша талаптарды күшейтеді. Премьер-министр Мемлекет басшысының қауіпті өндіріске тартылған азаматтардың қауіпсіздігін қамтамасыз ету жөніндегі тапсырмаларын жүзеге асыру мәселелері бойынша жұмыс кеңесін өткізді. Жиында салаға тікелей жауапты министрлер жаңа тәсілдер және еңбек қауіпсіздігі саласында атқарылып жатқан жұмыстар туралы баяндады. 2030 жылға дейінгі қауіпсіз еңбек тұжырымдамасы аясында нысандарды цифрландыруды ескере отырып, нормативтік-құқықтық актілер қайта қаралады. Сондай-ақ өнеркәсіптік қауіпсіздік нысандары паспорттарын жасауға, апаттарды есепке алуды және басқа да процестерді автоматтандыруға мүмкіндік беретін ақпараттық жүйені іске қосу жоспарланып отыр. Үкімет басшысы жиынға қатысқан министрліктерге қауіпсіздік жағдайын қамтамасыз ету бойынша жауапкершілікті күшейту жөнінде тапсырма берді.
Музыка
Фильмы
ТВ Шоу
Категории видео
