#xs_uz #narodnoeslovo Бугунги кунда Бектемир туманидаги Ийк ота массивида улкан бунёдкорлик ишлар олиб борилмоқда. “Ўзшаҳар қурилиш инвест” инжиниринг компанияси томонидан барпо этилаётган 18 та замонавий кўп қаватли уй-жойлар ҳудудга тобора ўзгача кўрк ва файз бағишлаяпти.
Таъкидлаш жоизки, “Азия инвест фаворит” МЧЖ қурилиш компаниясидан жабрланган фуқаролар учун қурилаётган мазкур уй-жойлар ўтган йилнинг август ойида бошланган бўлиб, айни пайтда қурувчиларнинг меҳнати ва шижоати натижасида бунёдкорлик ишлари қарийб 85 фоизга якунланди.
Соҳа масъулларининг айтишича, объект май ойида ўз эгаларига топширилади. Бунёдкорлик ишлари тез суръатларда сифатли қилиб барпо этилишида ҳар бир ишчи-муҳандис, уста-қурувчиларнинг катта ҳиссаси бор, албатта.
“Ўзшаҳар қурилиш инвест” ИК буюртмаси асосида қад ростлаётган мазкур уй-жойлар қурилишига олтита қурилиш фирмаси ҳамда мингга яқин бунёдкорлар жалб этилган.
Бугун Наврўз байрами муносабати билан мазкур қурилиш объектида байрам тадбири бўлиб ўтди. Ушбу йирик тураржой қурилишида фаол иштирок этаётган бунёдкорлар, ишчи-хизматчилар, қурувчилар ва кенг жамоатчилик вакиллари иштирок этган мазкур тадбирда халқ ўйинлари — миллий кураш, арқон тортиш, шашка ҳамда тош кўтариш мусобақалари ташкил этилгани иштирокчиларда катта таассурот қолдирди. Қурилиш жараёнларида меҳнат қилаётган ишчиларнинг ўзаро беллашувлари белгиланган тартибда ҳакамлар ҳайъати томонидан адолатли баҳолаб борилди.
Якунда ҳар бир спорт тури бўйича ғолиблар аниқланиб, ҳомийларнинг қимматбаҳо совғалари топширилди.
Шундан сўнг, байрам концерти ҳам ташкил этилиб, унда эл суйган санъаткорлар Ватанни мадҳ этувчи қўшиқлари билан йиғилганларга кўтаринки кайфият улашди. Байрам дастурхони ёзилиб, баҳорий таомлар тортилди.
Музыка
Фильмы
ТВ Шоу
Категории видео
