Худо гар парда бардорад…

Подробнее о видео

Худо гар парда бардорад, зи рӯи кори одамҳо,
Чи шодиҳо хурад барҳам, чи бозиҳо шавад расво.
Яке хандад зи ободӣ,
Яке гиряд зи барбодӣ.
Яке аз ҷон кунад шодӣ,
Яке аз дил кунад ғавғо.
Чи козибҳо шавад содиқ,
Чи содиқҳо шавад козиб.
Чи обидҳо шавад фосиқ,
Чи фосиқҳо шавад обид.
Чи зиштиҳо шавад рангин,
Чи талхиҳо шавад ширин.
Чи болоҳо равад поин,
Чи асфалҳо шавад ъулё.
Аҷаб сабре Худо дорад,
Ки парда барнамедорад.