#xs_uz #narodnoeslovo Сибирь тоғ эчкиларининг улоқчалари барча ҳаётий кўникмаларни онасидан ўрганади.
Урғочилари вояга етгач ҳам она эчки билан бир сурувда юради. Такалари эса бир гуруҳ бўлиб қорли чўққиларга чиқиб кетади. Фақатгина кўпайиш даврида урғочиларининг олдига келишади.
Бу жониворлар қорин ғамида ўтлаши орқали Ҳисор давлат қўриқхонаси ҳудудидаги аксар ўсимликларнинг ҳаддан ташқари ўсиб кетиши ва бошқа турларни қуёш нуридан тўсиб қўйишининг олдини олади.
Шунингдек, кийиклар ва бошқа жониворлар ўз минтақасидаги бактериялар ва ўсимликларнинг таркибий қисмлари ўртасида муносабатларни таъминлаб туради. Бу орқали улар экотизимни меъёрида ишлашига хизмат қилади. Зеро, табиатдаги барча турли хил тирик турлар ўртасида ўзаро таъсир бўлмаса, барқарорлик камроқ, озуқа моддалари озроқ, энергия ҳамда минераллар ҳаракати суст ва ўсимлик турлари эса сийраклашиб кетади.
Музыка
Фильмы
ТВ Шоу
Категории видео
