Ост-Индия компанияси монополияси бекор қилинди, сўм муомалага киритилди...

Подробнее о видео

#xs_uz #narodnoeslovo
1 июль санаси тафсилотлари билан....
1813 йилнинг 1 июлида Англия парламенти Ост-Индия компаниясининг Ҳиндистон билан савдо-сотиқдаги монополиясини бекор қилган.
Маълумот ўрнида айтиш керакки, Ост-Индия компанияси 1600 йил 31 декабрда Елизавета биринчининг қарори билан тузилган. У давлат ичидаги давлат тарзида фаолият олиб борган. Буни унинг ўз армияси ва ҳудудлари бўлгани ҳам тасдиқлайди. Табиийки, молиявий соҳада ҳам мутлақо мустақил эди.
Компаниянинг 125 акциядори орасида қиролича Елизавета биринчи ҳам бор эди. Умумий капитали 72 минг фунт стерлингни ташкил этган.
Ушбу компаниянинг Ҳиндистон босиб олинишида қандай рол ўйнагани ҳам тарихдан маълум.
1994 йилнинг 1 июль санаси миллий валютамиз, яъни сўм муомалага киритилган кун сифатида ҳам тарихимиздан мустаҳкам ўрин эгаллаган.
Унгча миллий валюта тизими қатор босқичларни босиб ўтди. Марказий банк томонидан 1991-1993 йилларда миллий валютани муомалага киритиш борасида кўплаб изланишлар олиб борилди, хорижий давлатлар тажрибаси ўрганилди.
Ёдингизда бўлса, 1993 йилнинг 15 ноябридан бошлаб тўлов воситаси сифатида “Сўм-купон” жорий қилинди ва у ўтиш валютаси сифатида муҳим аҳамият касб этди.
Ниҳоят, ушбу йўналишда етарли тажриба тўплангач, 1994 йил 1 июлдан бошлаб Ўзбекистон Республикаси миллий валютаси, яъни “сўм” муомалага киритилди.
Кун тарихи билан боғлиқ бошқа муҳим воқелар ҳам кўп.
1859 йил. Чарлз Дарвиннинг табиий танланиш гипотезаси Лондоннинг Линней Жамияти протоколларида нашр этилган.
1877 йил. Теннис бўйича биринчи Уимблдон турнири бошланган.
1896 йил. Давлат ва сиёсат арбоби, "Ёш бухороликлар" ҳаракати аъзоси ва етакчиси Файзулла Хўжаев таваллуд топган.
1904 йил. Сент-Луисда Учинчи Олимпия ўйинлари бошланган.
1911 йил. Польшалик биокимёгар Казимерз Функ илк марта “витамин” сўзини ишлатган.
1916 йил. Биринчи жаҳон уруши, яъни Сомме жанги бошланган.
1921 йил. Шанхайда 13 делегат Хитой Коммунистик партиясини ташкил қилган.
1923 йил. Канадада хитойликларнинг мамлакатга киришини тақиқловчи иммиграция қонуни кучга кирган.
1952 йил. АҚШ коммунистик партияси "бузғунчилик фаолияти" учун тақиқланган.
1966 йил. Колхозларда биринчи марта ойлик иш ҳақи жорий этилган.
1991 йил. Прагада Варшава шартномаси ташкилотини расмий равишда тугатиш тўғрисидаги протокол имзоланган.
1997 йил, Гонконг яна Хитой таркибига кирган.
1999 йил. 300 йилда биринчи марта Шотландия парламенти йиғилиши бўлиб ўтган.
2000 йил. АҚШда молиявий ҳужжатларни электрон имзо билан тасдиқлашга рухсат берилган.
2013 йил. Хорватия Европа Иттифоқига қўшилган.

Булар шунчалик маълумотлармас. Уларнинг моҳиятида қанча уриниш, изланиш ва тинимсиз меҳнат яширин. Вақти келиб, сизнинг ҳам бирон бир кашфиётингиз ёки хизматларингиз кун тарихини безаб туриши мумкин. Буни асло эсдан чиқарманг!
“Кун тарихи”ни кузатишда давом этинг.