新年點可以冇雞食呢?今次同大家分享一個非常之簡單喺屋企做到一樣咁好食嘅豉油雞。 通常新年都好注重意頭,今次我哋想齊齊整整,所以雞頭去到雞尾全部都要返晒。
材料方面,好簡單。
鷄 1隻
豉油雞汁 1枝
水 根據包裝指示
冰糖 1粒
姜 蔥 洋蔥 適量
老抽 半碗
玫瑰露 適量
將隻雞洗乾淨之後去除內臟,雞腳斬開,用熱水將雞皮燙熟之後浸冰水降溫。根據上面調味只是將豉油煮至微滾 。將雞放落去不斷淋豉油上去,每邊15分鐘。中途記得要將豉油倒入去內腔裏面。
30分鐘之後,將隻雞吊起風乾。咁樣會令到顏色更加靚之餘,水份少啲斬鷄嘅時候冇咁易散晒。
最後擺盤食得啦!留意斬雞嘅時候盡量用菜刀尾嘅位置會容易斬開。剩低嘅豉油汁可以夾起之後留返再用或者加熱撈飯都一樣咁好食!
祝大家新年快,身體健康!