Скачайте изображение (превью) выбрав качество

320x180 480x360 640x480 1280x720

Тунжа қәдәм ташланди

Йеқинда Алмута шәһири Мәсим Яқупов намидики 101-мәктәп-гимназиядә мәзкүр мәктәптин йетилип чиқиватқан сәнъәт ғунчилириниң қатнишиши билән «Мениң сәһнәм» намлиқ тунжа қетимлиқ сәнъәт көрүги болуп өтти. Мәзкүр көрүкниң мәхсити хәлқимизниң арисида йетилип чиқиватқан яш талант егилирини көпчиликкә тонуштуруштин ибарәттур. Биринчи қетим көрүк пәқәт мәзкүр мәктәптики талантлар арисида өткүзүлди. Мәзкүр лайиһиниң муәллипи Әзизжан Азатов келәчәктә қатнашқучиларниң сани техиму көп болидиғанлиғини вә жай-жайлардики яш ғунчилиримизниң мәзкүр лайиһигә қатнишишиға имканийәт яритидиғанлиғини ейтип өтти. Көрүктә 9 оқуғучи өз ара күч синашти. Яш ғунчиларниң талантини баһалашқа қатнашқан адил қазилар Қазақстан Язғучилар Иттипақи Уйғур әдәбияти кеңишиниң рәиси шаирә вә алимә Патигүл Мәхсәтова, нахшичи Санийәм Исмаил, композитор Ильяр Мәшүров, театримизниң артисти Абдумутәллип Жалалов вә музыка пәниниң муәллими Дилмурат Шәриповлар яш ғунчиларниң талантини жуқури баһалиди.
Көрүкниң қандақ өткәнлигини вә кимниң ғалип қазанғанлиғини көрүкниң төвәндики видеонусхисидин көрәләйсиләр!
Көрүп роһий озуқ алғайсиләр!

Сценарий : Шамшидин Аюпов
Маддий җәһәттин қоллап қувәтлигән: Шатлиқ Худайқулов

Чтобы скачать видео "Mening Sahnam" передвинте ползунок вправо