Скачайте изображение (превью) выбрав качество

320x180 480x360 640x480 1280x720

#xs_uz #narodnoeslovo
Shu yilning 14-18-oktyabr kunlari poytaxtimizda “Sanʼat va dunyo” mavzusida X Toshkent xalqaro zamonaviy sanʼat biennalesi oʻtkaziladi.
Oʻzbekiston Badiiy akademiyasida Badiiy akademiya hamda qator vazirlik va idoralar, shuningdek, xorijiy elchixonalar va xalqaro tashkilotlar hamkorligida 2024 — Yoshlar va biznesni qoʻllab-quvvatlash yiliga bagʻishlab tashkil etilayotgan ushbu biennale oldidan matbuot anjumani tashkil qilindi.
Toshkent xalqaro zamonaviy sanʼat biennalesi 2001-yildan buyon har ikki yilda bir marta tashkil etilib kelinadi.
Ushbu anjuman keng jamoatchilikni turli mamlakatlarning zamonaviy ijodiy salohiyati, yangi yoʻnalishlari bilan tanishtirish, tasviriy sanʼat sohasida madaniy almashinuv, ijodiy muloqotni mustahkamlash, zamonaviy sanʼatning dolzarb muammolarini muhokama qilish uchun ochiq maydon sifatida xizmat qiladi.
Biennaleda turli yoʻnalishlarda ijod qiluvchi rassomlar ishtirok etib, “Sanʼat va dunyo” mavzusida zamonaviy sanʼatning barcha sohalari — tasviriy sanʼat, grafika, foto, installyatsiya, pop-art, raqamli sanʼat va boshqalarda asarlarini taqdim etishlari mumkin.
Uning dasturidan koʻrgazmalar, maʼruzalar va mahorat saboqlari, xorijiy mutaxassislar, tasviriy sanʼat kuratorlari ishtirokida xalqaro ilmiy konferensiya, Oʻzbekiston shaharlari boʻylab sayohat kabi qator badiiy va madaniy tadbirlar ham joy olgan.

Чтобы скачать видео "X Toshkent xalqaro zamonaviy sanʼat biennalesi oldidan matbuot anjumani oʻtkazildi" передвинте ползунок вправо